Kreml Sankt-Peterburqdakı partlayışı terror aktı adlandırıb
Moskva, 3 aprel, AZƏRTAC
Sankt-Peterburqda kafedə partlayış törətməkdə şübhəli bilinən Darya Trepova tanışının evində saxlanılıb.
AZƏRTAC xəbər verir ki, hazırda onun İstintaq Komitəsində dindirildiyi bildirilir. Rusiya Milli Anti-terror Komitəsi hadisənin Ukrayna xüsusi xidmət orqanları tərəfindən Aleksey Navalnının korrupsiyaya qarşı mübarizə fondunun dəstəyi ilə törədildiyi barədə məlumat yayıb.
Rusiya Prezidentinin mətbuat katibi Dmitri Peskov hadisəni terror aktı adlandırıb.
Xatırladaq ki, Sankt-Peterburqdakı kafelərdən birində törədilmiş terror aktı zamanı hərbi müxbir, Vladlen Tatarski kimi tanınan Maksim Fomin həlak olub. Partlayış nəticəsində 32 nəfər yaralanıb, onlardan 10-nun vəziyyəti ağırdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
