Kürdəmirdə Qələbə gününə həsr olunmuş ümumrayon tədbiri keçirilmişdir
Kürdəmir, 10 may (AZƏRTAC). Kürdəmir şəhərindəki Qələbə parkında faşizm üzərində qələbənin 68-ci ildönümünə həsr olunmuş ümumrayon tədbiri keçirilmişdir.
AZƏRTAC xəbər verir ki, tədbirdə rayon rəhbərləri, İkinci Dünya müharibəsinin iştirakçıları, habelə rayon ictimaiyyətinin çoxsaylı nümayəndələri iştirak etmişlər. Tədbir iştirakçıları müharibə qurbanlarının xatirəsinə ucaldılmış abidə kompleksi və Sovet İttifaqı Qəhrəmanı Məmiş Abdullayevin büstü önünə əklil və tər çiçək dəstələri düzmüşlər.
Sonra məktəblilərin ifasında Böyük Vətən müharibəsi qəhrəmanlarına həsr olunmuş ədəbi-bədii kompozisiya nümayiş etdirilmişdir.
Tədbir müharibə veteranları üçün təşkil olunmuş çay süfrəsi arxasında davam etdirilmişdir. Onlara rayon icra hakimiyyəti tərəfindən hədiyyələr verilmişdir.
Bölmənin digər xəbərləri
