Latif Akça: Şimali Kiprin TDT-də müşahidəçi statusu tarixi nailiyyətdir
Bakı, 29 sentyabr, AZƏRTAC
Şimali Kiprin Türk Dövlətləri Təşkilatında liderlər səviyyəsində qazandığı mövqe və müşahidəçi statusuna qəbul edilməsi tarixi əhəmiyyət daşıyır. Bu nailiyyət ölkə Prezidenti Ersin Tatarın böyük tarixi uğuru kimi qiymətləndirilib.
Bu sözləri AZƏRTAC-a açıqlamasında Şimali Kipr Türk Respublikasının Prezidentinin Vətəndaş Cəmiyyəti Təşkilatlarının kommunikasiya koordinatoru Latif Akça söyləyib.
O, TDT ideyasının uzun illər arzulanan məqsəd olduğunu və indi əsas vəzifənin onu möhkəm və davamlı həyata keçirmək olduğunu vurğulayıb. Vətəndaş cəmiyyəti təşkilatlarının bu prosesdə böyük rol oynadığını qeyd edib.
Kommunikasiya koordinatoru, həmçinin təşkilata yaradılan maneələrə və provokasiyalara qarşı diqqətli olmağın vacibliyini, birlik və həmrəyliyin qorunmasının əhəmiyyətini bildirib. O, Azərbaycanın və Türkiyənin dəstəyini xüsusi vurğulayaraq, gələcəkdə tərəfdaşlıq və əməkdaşlığı genişləndirmək, daha böyük layihələri həyata keçirməyin vacibliyini diqqətə çatdırıb.
Bölmənin digər xəbərləri
