Latviyada koronavirusa ən çox yoluxma Riqa, Yelqava və Dauqavpils şəhərlərində qeydə alınıb
Riqa, 17 dekabr, AZƏRTAC
Latviyada COVID-19 infeksiyasına ümumi yoluxma sayının təxminən 40 faizi paytaxt Riqada qeydə alınıb. Yelqava və Dauqavpils şəhərlərində də koronavirusa yoluxma halları artmaqda davam edir.
AZƏRTAC xəbər verir ki, bu barədə məlumatı Latviyanın Xəstəliklərin qarşısının alınması və Nəzarəti üzrə Mərkəzi yayıb.
Bildirilib ki, ötən sutka ərzində Riqada COVID-19 infeksiyasına 233, Dauqavpilsdə 56, Yelqavada 32 yeni yoluxma faktı qeydə alınıb.
Mərkəzin məlumatına əsasən, son 14 gün ərzində paytaxtda daha çox yoluxma halı qeydə alınıb (3253 nəfər). Daugavpilsdə iki həftə ərzində virusa yoluxanların ümumi sayı 1145 nəfər, Yelqavada 284 nəfər, Krustpils bölgəsində 196 nəfər, Yekabpilsdə 192 nəfər, Yurmalada 185 nəfər, Rezeknedə 163 nəfər, Kekava bölgəsində 146 nəfər, Ventspilsdə 145 nəfər, Marupe bölgəsində 130 nəfər, Dauqavpils bölgəsində 129 nəfər, Ozolnieki bölgəsində 127 nəfər təşkil edib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
