Latviyada ümumi ölüm hallarının 10 faizindən çoxu COVID-19-un payına düşür
Riqa, 8 fevral, AZƏRTAC
Latviyada ötən ilin dekabrın əvvəlindən carı ilin yanvarın 17-dək COVID-19 infeksiyasından dünyasını dəyişənlərin sayı hər həftə ölkədə qeydə alınan ümumi ölüm hallarından ən az 10 faiz çox olub.
AZƏRTAC xəbər verir ki, bu barədə ölkənin Xəstəliklərin Qarşısının Alınması və Nəzarəti üzrə Mərkəzi məlumat yayıb.
Bildirilib ki, ötən ilin 7-13 dekabr tarixlərinin əhatə etdiyi həftə ərzində COVID-19 infeksiyasından dünyasını dəyişənlərin sayı ölkə üzrə ümumi ölüm hallarının 12,3 faizini, 14-20 dekabr tarixlərinin təsadüf etdiyi həftədə 12,4 faizini, 21-27 dekabr tarixi müddətində 14,7 faizini, 28 dekabr − 3 yanvar tarixi aralığında isə 16,3 faizini təşkil edib.
Qeyd edilib ki, carı ilin 4-10 yanvar tarixlərinin əhatə etdiyi həftədə dünyasını dəyişən COVID-19 xəstələri ölkə üzrə ölüm hallarının 20,2 faizini, 11-17 yanvar tarixləri aralığında isə 15,8 faizini təşkil edib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
