Bakı, 26 sentyabr, AZƏRTAC

STEAM layihəsinin universitetlərdə təşkil edilməsinə başlanılıb.

AZƏRTAC xəbər verir ki, bunu “STEAM Azərbaycan” layihəsinin rəhbəri İqrar Nəzərov SAF-2024 - Beynəlxalq Yaşıl STEAM Azərbaycan Festivalı ilə bağlı sentyabrın 26-da keçirilən brifinqdə deyib.

O bildirib ki, Azərbaycan Dövlət Pedaqoji Universitetinin Fizika fakültəsinin pedaqoji bazasında STEAM layihəsi yaradılır. İqrar Nəzərov universitetdə seçmə fənn kimi STEAM yanaşmasının qoyulduğunu söyləyib. Qeyd edib ki, təhsilin bütün pillələrində STEAM yanaşması olmalıdır.