Litvada yerli özünüidarəetmə orqanlarına seçkilər keçirilib
Vilnüs, 9 mart, AZƏRTAC
Litvada yerli özünüidarəetmə orqanlarına seçkilərin nəticələrinə görə 19 regionda artıq mer vəzifəsinə seçilənlərin adları məlumdur. 41 regionda isə ikinci tur keçiriləcək.
AZƏRTAC xəbər verir ki, Litva Baş Seçki Komissiyasının açıqladığı yekun məlumata görə, seçkilərin birinci turda yekunlaşdığı 19 regionda əsasən hazırda hakimiyyətdə olan qüvvələr öz mövqelərini saxlaya biliblər. 19 regiondan yalnız üçündə mer vəzifəsinə yeni şəxs seçilib.
Seçki Komissiyası bildirib ki, ölkə üzrə 41 region üzrə seçkilərin ikinci turunun keçirilməsinə ehtiyac yaranıb. İlk turu adlamış namizədlər martın 17-də ikinci turda mübarizə aparacaqlar.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
