LİVAN VƏTƏNDAŞININ MOBİL TELEFONUNU ƏLİNDƏN ALMIŞ OĞRU TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Bakı şəhər sakini Ruslan Əhmədov avqustun 24-də saat 02.00 radələrində, İraqın ölkəmizdəki səfirliyinin yaxınlığında, Livan vətəndaşı Vael Massoud Eidə qarşı zor tətbiq edərək mobil telefonunu əlindən almışdı.
Diplomatik Nümayəndəliklərin Mühafizəsi üzrə Əlahiddə Polis Taburu və Nəsimi Rayon Polis İdarəsi 22-ci bölməsinin əməkdaşlarının keçirdiyi əməliyyat nəticəsində oğru bir gün sonra tutulmuşdur.
Faktla bağlı cinayət işi açılmış, araşdırma aparılır.
Bölmənin digər xəbərləri
