Londonda Benksinin növbəti rəsm əsəri ortaya çıxıb
London, 6 avqust, AZƏRTAC
Benksi adı ilə bütün dünyada tanınan rəssamın Londonun Riçmond bölgəsində, Kyu körpüsü yaxınlığındakı binanın kənarında yeni sənət əsəri ortaya çıxıb.
AZƏRTAC xəbər verir ki, bu barədə Benksi özünün instaqram sosial şəbəkə hesabında məlumat verib. Rəssam yeni əsərində divara dağ keçisi və xırda qaya parçalarını əks etdirib. Benksi sosial mediada paylaşımı zamanı rəsm əsəri haqqında hər hansı bir şərh yazmayıb.
Bölgə sakinləri Benksi kimi tanınmış bir rəssamın onların yaşadığı əraziyə üz tutduğu üçün xoşbəxt olduqlarını bildiriblər.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
