“LUKoyl” ŞİRKƏTİNİN NÜMAYƏNDƏ HEYƏTİ TÜRKİYƏDƏ SƏFƏRDƏDİR
MƏQSƏD İNŞA EDİLƏCƏK NEFTAYIRMA ZAVODUNUN YERİNİ MÜƏYYƏNLƏŞDİRMƏKDİR
Fikrət Əliyevin Samsun valisi Həsən Bəsri Gözəloğlu ilə apardığı danışıqlarda şirkətin direktor müavinləri İlham Rzayev və Əbulqas Kliçmuradov da iştirak etmişlər. Görüşdən sonra jurnalistlərə müsahibə verən Fikrət Əliyev zavodun inşa olunacağı yerin hələ müəyyənləşdirilmədiyini, layihənin 3 milyard dollara başa gələcəyini və müəssisənin illik məhsul istehsalı həcminin 10 min ton olacağını bildirmişdir. Onun sözlərinə görə, şirkət Türkiyədə neftayırma zavodu tikməklə yanaşı, yanacaqdoldurma məntəqələri şəbəkəsinin yaradılmasını da planlaşdırır.
Bu səfərdən əvvəl bəyanat verən “LUKoyl”un mətbuat katibi Dmitri Dolqov sözügedən zavodun tikintisinə başlamaq üçün Türkiyə hökumətinin müsbət cavabını gözlədiklərini söyləmişdi.
Türkiyənin Enerji və Təbii Ehtiyatlar Nazirliyi artıq Qazaxıstanın da bu ölkədə neftayırma zavodu inşa etmək planının gerçəkləşdiyini bildirmişdir.
Bölmənin digər xəbərləri
