MACARISTAN KİV-LƏRİ AZƏRBAYCANDA PARLAMENT SEÇKİLƏRİ BARƏDƏ
“Politikaforum” internet qəzeti yazır ki, seçkilərdə hakim Yeni Azərbaycan Partiyasını təmsil edən namizədlər böyük üstünlüklə qalib gəlmişlər, partiya 125 deputat mandatından 62-ni qazanmışdır. ”Azadlıq” blokunu parlamentdə hələlik 5 deputat təmsil edəcəkdir. Macarıstanın nüfuzlu qəzetlərindən olan “Nepsabadşaq”da dərc olunmuş xəbərdə deyilirdi ki, Mərkəzi Seçki Komissiyasının məlumatına görə, Yeni Azərbaycan Partiyası səslərin 58 faizini qazanaraq, “Azadlıq” müxalifət blokunu geridə qoymuşdur.
Azərbaycanda seçkilər mövzusu “Madyar-radio” saytında da öz əksini tapmışdır. “Azərbaycanın iqtidar partiyası rəsmən qalib gəlmişdir” sərlövhəli xəbərdə bildirilir ki, hakim partiyanın nümayəndələri bir çox rayonlarda digər namizdlərdən irəlidə gedirlər.
Parlament seçkiləri barədə “HVQ” jurnalı, “Panorama” televiziyasının, “Klub-radio” radiosunun saytları və digər mətbu orqanlar da Azərbaycanda parlament seçkilərini geniş işıqlandırmışlar. Bütün bunlar Macarıstanda ölkəmizə böyük maraq göstərildiyinə dəlalət edir.
Bölmənin digər xəbərləri
