MALAYZİYADA KORRUPSİYA İLƏ MÜBARİZƏ PROBLEMLƏRİ MÜZAKİRƏ EDİLİR
AZƏRTAC “Novosti” agentliyinə istinadla xəbər verir ki, avqustun 28-də Malayziyanın paytaxtı Kuala-Lumpurda İslam Konfransı Təşkilatının (İKT) tarixində ilk dəfə olaraq, korrupsiya ilə mübarizə məsələlərinə və bu quruma üzv dövlətlərin iqtisadi inteqrasiyasını daha da genişləndirmək yollarının axtarışına həsr edilmiş forum açılmışdır.
Avqustun 30-da başa çatacaq forumda həm İKT ölkələrinin, həm də onun nəzdində daimi müşahidəçi statusu olan dövlətlərin antikorrupsiya və hüquq mühafizə fəaliyyəti aparan təşkilatlarının rəhbərləri iştirak edirlər.
Forum çərçivəsində dörd ümumi sessiya, üç işgüzar görüş keçiriləcək, habelə xüsusi antikorrupsiya proqramının təqdimatı olacaqdır.
Bölmənin digər xəbərləri
