DÜNYA
MARK TETÇER MƏHKƏMƏYƏDƏK ZAMİNƏ BURAXILMIŞDIR
Məhkəmə ona sentyabrın 8-dək, banka 175 min funt-sterlinq köçürənədək Keyptaundakı evini tərk etməməyi tapşırmışdır. O, noyabrda məhkəmə araşdırmalarında iştirak etməlidir.
Hazırda ABŞ-da istirahətdə olan Marqaret Tetçer oğlunun başına gəlmiş bu əhvalata hələlik öz münasibətini bildirməmişdir.
Xatırladaq ki, Ekvatorial Qvineyada hakimiyyəti devirmək cəhdinə görə tutulmuş muzdlular arasında altı erməni təyyarəçisi də var. Rəsmi London tez-tez belə müəmmalı vəziyyətlərə düşən Mark Tetçerin həbsi ilə əlaqədar narahatlığını bildirməyə tələsməsə də, artıq Yerevanda bu əhvalatla əlaqədar qızğın fəaliyyətə başlamışlar. Ermənistanın Misirdəki səfiri və Ermənistanın rəsmi şəxslərindən biri Ekvatorial Qvineyada ədliyyə və səhiyyə nazirləri ilə, habelə baş prokurorla görüşmüşlər.