Marusa Stanqar: Bakıda Cüdo üzrə dünya çempionatının təşkilatçılığı yüksək səviyyədədir
Bakı, 20 sentyabr, AZƏRTAC
Bu, mənim Bakıya ilk səfərimdir. Şəhərinizi çox bəyəndim. İnsanlar çox qonaqpərvərdirlər. Azərbaycanda olmaqdan məmnunam. Cüdo üzrə dünya çempionatının təşkilatçılığı yüksək səviyyədədir.
Bu sözləri AZƏRTAC-a müsahibəsində Bakıda keçirilən cüdo üzrə dünya çempionatında qadınlar arasında 48 kiloqram çəki dərəcəsində mübarizə aparan Sloveniya cüdoçusu Marusa Stanqar deyib.
“Qazaxıstanlı rəqibim güclü idi. Gərgin mübarizə oldu. Məğlub olsam da rəqibimə uğurlar arzulayıram”, - deyə sloveniyalı idmançı qeyd edib.
Sloveniya təmsilçisi cüdo üzrə Azərbaycan millisinin üzvlərinin güclü olduğunu və doğma meydanda var qüvvələri ilə mübarizə apardığını söyləyib.
Bölmənin digər xəbərləri
