Masallı rayonunun Xanalion kəndində yeni elektron tipli ATS istifadəyə verilmişdir
Masallı, 7 may (AZƏRTAC). AZƏRTAC xəbər verir ki, mayın 6-da Masallı rayonunun Xanalion kəndində yeni elektron tipli ATS istifadəyə verilmişdir.
Bu münasibətlə təşkil olunmuş mərasimdə çıxış edən rayon icra hakimiyyəti başçısı aparatı hüquq şöbəsinin müdiri Məmmədhüseyn Hüseynov, Rabitə və İnformasiya Texnologiyaları Nazirliyinin Cəlilabad, Masallı və Yardımlı rayonları üzrə səlahiyyətli nümayəndəsi Ələkbər Ağayev, rayon telekommunikasiya qovşağının mühəndisi Nizam Bağırov əlamətdar hadisə ilə əlaqədar kənd sakinlərini təbrik etmiş, yeni qurulan ATS-in üstünlüklərindən danışmışlar.
Tədbirdə çıxış edən kənd ictimaiyyətinin nümayəndələri və ağsaqqallar ucqar dağ kəndinin sakinlərinin sosial vəziyyətinin yaxşılaşdırılmasına göstərilən qayğıya görə Prezident İlham Əliyevə minnətdarlıqlarını bildirmişlər.
Bölmənin digər xəbərləri
