Masallı sakini ov tüfəngindən atəş açaraq həmkəndlisini yaralamışdır
Bakı, 7 may (AZƏRTAC). Masallı rayonunun Mollaoba kəndində yerli sakin Hüseyn Hüseynzadə münaqişə zəminində ov tüfəngindən atəş açaraq həmkəndlisi Nicat Əliyevə xəsarət yetirmişdir.
N.Əliyev xəstəxanada ilkin tibbi yardım aldıqdan sonra evə buraxılmışdır.
H.Hüseynzadə Masallı Rayon Polis Şöbəsi əməkdaşları tərəfindən saxlanılmış, ondan 1 ov tüfəngi götürülmüşdür.
Daxili İşlər Nazirliyinin mətbuat xidmətindən AZƏRTAC-a bildirmişlər ki, faktla bağlı cinayət işi açılmışdır. Araşdırma aparılır.
Bölmənin digər xəbərləri
