MDB ÖLKƏLƏRİNƏ NEFT MƏHSULLARI GÖNDƏRİLMƏSİNƏ MƏHDUDİYYƏT QOYULMUŞDUR
AZƏRTAC-ın xüsusi müxbiri xəbər verir ki, “Rusiya dəmir yolları” Açıq Səhmdar Cəmiyyəti boş vaqonların çatışmazlığını hiss edir. Bunu Moskvada şirkətin prezidenti Vladimir Yakunin bildirmişdir. O demişdir ki, RDY MDB-nin Qara dəniz limanlarına neft məhsulları göndərmək üçün sistern çatışmazlığı ilə əlaqədar onların təcili qaytarılması rejimini elan etmişdir. Şirkətin başçısı söyləmişdir ki, hazırda Rusiya-Azərbaycan sərhədində də gərgin vəziyyət yaranmışdır.
RDY-nın başçısı demişdir: “Hazırda xaricdə təxminən 2 min vaqon var və onların təcili qaytarılması rejimi də bununla əlaqədar elan edilmişdir. RDY yalnız 200 boş vaqon geri almışdır, ona görə də neft məhsullarının göndərilməsinə məhdudiyyət qoyulmuşdur”.
Bölmənin digər xəbərləri
