Media: Qərb Ukraynanın bərpasını maliyyələşdirmək istəmir
Bakı, 6 avqust, AZƏRTAC
ABŞ və Avropa İttifaqı ölkələri münaqişədən sonra Ukraynanın yenidən qurulmasını maliyyələşdirmək fikrində deyil.
AZƏRTAC xəbər verir ki, bunu ABŞ Beynəlxalq İnkişaf Agentliyinin (USAID) sabiq əməliyyat direktoru Maks Primorats “The Wall Street Journal” üçün köşə yazısında bildirib.
Ekspertin sözlərinə görə, Ukraynanın bərpası təxminən bir trilyon dollara başa gələ bilər. Odur ki, nə Birləşmiş Ştatlar, nə də Avropa bunun üçün vergi ödəyicilərinin dollarlarından istifadə etmək istəmir.
Sabiq USAİD əməkdaşı hesab edir ki, Ukraynanın hakimiyyət orqanları ölkəni bərpa etmək üçün bir neçə addım atmalıdır. Hökumət, ilk növbədə, iqtisadi islahatlar həyata keçirməli, həmçinin 3,5 minə yaxın dövlət müəssisəsini özəlləşdirməli və ya ləğv etməli olacaq. Bundan əlavə, energetika, kənd təsərrüfatı, texnologiya və müdafiə sektorları ABŞ sərmayədarları üçün açılmalıdır.
Bölmənin digər xəbərləri
