Meksikada hərbçilərlə silahlı dəstə arasındakı toqquşmada 12 nəfər öldürülüb
Bakı, 20 fevral, AZƏRTAC
Meksikanın şimal-şərqindəki Tamaulipas ştatında hərbçilərlə silahlı dəstə arasında baş verən qarşıdurmada azı 12 cinayətkar öldürülüb.
AZƏRTAC Sinxua agentliyinə istinadla xəbər verir ki, Tamaulipas ştatının təhlükəsizlik xidmətinin nümayəndəsi Xorxe Kuellar mətbuat konfransında insidentin Miqel Aleman bələdiyyəsi ərazisində baş verdiyini bildirib. Onun sözlərinə görə, ştatın şimal hissəsində, ABŞ ilə “kiçik sərhəd” kimi tanınan ərazidə təhlükəsizlik tədbirləri gücləndirilib.
Qeyd edək ki, Tamaulipas ştatında narkotik vasitələrin ticarəti ilə məşğul olan qruplarla hüquq-mühafizə orqanları arasında silahlı toqquşmalar illərdir davam edir. Meksika hakimiyyəti 2014-cü ildən bəri cinayətkarlıqla mübarizə çərçivəsində təhlükəsizlik tədbirlərini daha da gücləndirib.
Bölmənin digər xəbərləri
