Meksikada mağazada baş verən yanğında 22 nəfər ölüb
Bakı, 2 noyabr, AZƏRTAC
Meksikanın şimal-qərbində yerləşən Hermosillo şəhərində mağazada baş verən yanğın nəticəsində dördü uşaq olmaqla, azı 22 nəfər həlak olub.
AZƏRTAC xəbər verir ki, bu barədə “El Universal” qəzeti məlumat yayıb.
Məlumata görə, daha 12 nəfər müxtəlif dərəcəli yanıq xəsarətləri alıb və xəstəxanaya yerləşdirilib. İlkin məlumatlara əsasən, yanğın partlayış nəticəsində baş verib.
Nəşr yanğınsöndürmə xidmətlərinə istinadla bildirir ki, yanğın pərakəndə satış sahəsinin giriş hissəsində başlayıb və çox sayda alıcı içəridə qalıb. Yanğının qarşısı alınıb, onun qonşu tikililərə keçməsinin qarşısı isə alınıb.
Sonora ştatının səlahiyyətli orqanları hadisə ilə bağlı araşdırmaya başlayıblar. İlkin versiyalar arasında texniki nasazlıq və yanan materialların alışması ehtimalları nəzərdən keçirilir.
Bölmənin digər xəbərləri
