MƏKTƏB DÜNYA AZƏRBAYCANLILARININ HƏMRƏYLİYİ GÜNÜNƏ HƏSR OLUNMUŞ SİLSİLƏ TƏDBİRLƏR KEÇİRİR
Məktəbin direktoru Fainə Ələkbərova AZƏRTAC-ın müxbirinə demişdir ki, dekabrın 23-dəki tədbiri Yuliya Muxanovanın III B sinfi hazırlamışdır. Məktəbin akt zalında keçirilmiş tədbirdə uşaqlar Azərbaycan və rus dillərində çox maraqlı proqramla çıxış etmişlər. Yeri gəlmişkən, məktəbdə 20-dən artıq millətin nümayəndəsi təhsil alır və işləyir.
Tədbirə uzun illərdir dostluq əlaqəsi saxladığımız və Pirşağıdakı “Qızılqum” pansionatında fəaliyyət göstərən Xocalı şəhər 2 nömrəli orta məktəbinin şagirdləri də dəvət olunmuşdular. Azərbaycan Xalqlarının Həmrəyliyi və “Sodrujestvo” cəmiyyətlərindən, “Rostzarubejsentr”dən, Rusiya, Ukrayna, Qazaxıstan səfirliklərindən və başqa təşkilatlardan da qonaqlarımız var idi.
Dekabrın 24-də məktəbdə yuxarı sinif şagirdlərinin iştirakilə əlamətdar günə həsr olunmuş konfrans keçiriləcəkdir.
Bölmənin digər xəbərləri
