“Mənim rəngarəng dünyam” - Xətai Sənət Mərkəzində növbəti sərgi belə adlanır
Bakı, 30 may, AZƏRTAC
İyunun 1-də Xətai Sənət Mərkəzində gənc rəssam Fatimə Mahmudovanın fərdi rəsm sərgisi açılacaq.
Xətai Sənət Mərkəzindən AZƏRTAC-a bildirilib ki, “Mənim rəngarəng dünyam” adlı fərdi yaradıcılıq sərgisində rəssamın 30-dan çox sənət əsəri nümayiş ediləcək.
Xətai Sənət Mərkəzi və Azərbaycan Rəssamlar İttifaqının dəstəyi ilə reallaşacaq sərgidə rəssamın təbiət mövzusuna həsr edilmiş əsərləri təqdim olunacaq.
Qeyd edək ki, rəssam respublikada açılan bir çox rəsm sərgilərinin fəal iştirakçısıdır.
Bölmənin digər xəbərləri
