Mərakeş-Azərbaycan mədəni əlaqələri iki ölkə arasındakı münasibətlərin güclənməsinə təsir edəcək
Çüayib Brhadda, 16 sentyabr, AZƏRTAC
Mərakeş-Azərbaycan mədəni əlaqələri iki ölkə arasındakı münasibətlərin güclənməsinə təsir edəcək.
AZƏRTAC xəbər verir ki, bu sözləri Mərakeş və Afrika Qadın Yazıçıları Assosiasiyasının prezidenti Bədia Radi bildirib.
“Azərbaycanda keçirilən parlament seçkiləri Mərakeşin bir çox siyasi və mədəniyyət xadimlərinin, o cümlədən media nümayəndələrinin diqqətini cəlb edib”, - deyə assosiasiya prezidenti bildirib.
Ölkəmizdə keçirilən parlament seçkilərinin Mərakeş-Azərbaycan parlamentlərarası münasibətlərə də öz töhfəsini verəcəyini bildirən Bədia Radi qeyd edib ki, bu da öz növbəsində strateji əməkdaşlığa yol açacaq. O bildirib ki, ilk dəfə parlament seçkilərinin Azərbaycanın bütün suveren ərazisində keçirilməsi qanunverici institusional bazanın bütün ölkə ərazisində qüvvədə olması deməkdir. Ölkələrimiz arasındakı parlament səviyyəsində əməkdaşlıq elm, təhsil, turizm, mədəniyyət, siyasət və cəmiyyət kimi bir çox sahələrdə əlaqələri gücləndirəcək.
Bədia Radi bildirib ki, ölkələrimiz arasındakı münasibətlər iki əsas sahədə inkişaf potensialına malikdir. Bunlardan birincisi media, ikincisi isə mədəniyyət sahəsidir.
O əlavə edib ki, Mərakeş Afrika ölkələri ilə əməkdaşlığın inkişaf etdiriməsi üçün strateji mövqe rolunu oynaya bilər.
Bölmənin digər xəbərləri
