Milix Yevdayev yəhudilər ilə azərbaycanlılar arasında qədim dostluq ənənələrindən yazıb
Vaşinqton, 3 oktyabr, AZƏRTAC
ABŞ-da çıxan “Jewish journal” qəzetində Azərbaycan Dağ Yəhudiləri İcmasının sədri Milix Yevdayevin “Azərbaycan və İsrail: daha gözəl dünya üçün etibarlı tərəfdaşlar” sərlövhəli məqaləsi dərc olunub. Məqalə müəllifi Azərbaycanın yəhudi icmasının Sukkot bayramını necə qeyd etməsindən söz açaraq yazır: “Xüsusilə Sukkotun bayram edildiyi dövrdə qəlbim minnətdarlıq hissi ilə dolur, çünki ailə üzvlərimin bir neçə nəsli İsraildən uzaqda - Azərbaycanda yaşasa da, tam təhlükəsizlik şəraitində qəlbən ona yetərincə yaxın olub”.
Müəllif Azərbaycan ilə İsrail arasında münasibətlərdən danışarkən qeyd edir ki, hər iki ölkə energetika, kənd təsərrüfatı, telekommunikasiyalar, kompyuter texnologiyaları, müdafiə, tikinti, meliorasiya və turizm sahələrində əməkdaşlıq edir və bu əməkdaşlığın bəhrələrindən hər iki xalq yararlanır. Məqalədə deyilir: “İsrail istifadə etdiyi neftin təqribən 50 faizini Azərbaycandan alır və Azərbaycanın neft şirkəti ofşor neft kəşfiyyatı tədqiqatlarda İsrailə kömək edir”.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
