Milli Arxiv İdarəsində növbəti vebinar keçirilib
Bakı, 25 iyun, AZƏRTAC
Milli Arxiv İdarəsində “Arxivlər, fondlar və saxlama vahidi daxilində sənədlərin təşkili, fond mənsubiyyətinin müəyyən edilməsi, saxlama vahidlərinin tərtibi və təsviri qaydaları” mövzusunda vebinar keçirilib.
Milli Arxiv İdarəsindən AZƏRTAC-a bildirilib ki, vebinarda İdarə rəisinin müavini Həsən Həsənov, şöbə müdirləri Cəmilə Abbasova və Camaləddin Cavadov, dövlət arxivlərinin müvafiq sahəyə məsul olan əməkdaşları iştirak ediblər.
Tədbiri giriş sözü ilə İdarənin rəis müavini Həsən Həsənov açaraq, sənədlərin fond və saxlama vahidi daxilində təşkilinə, fond mənsubiyyətinin müəyyən edilməsinə, saxlama vahidlərinin tərtib və təsvirinə qoyulan tələblər barədə vebinar iştirakçılarına məlumat verib.
Daha sonra vebinar İdarənin şöbə müdiri Camaləddin Cavadovun məruzəsi ətrafında davam etdirilib, bu sahədə görülmüş işlər, mövcud problemlər və onların həlli yolları barədə vebinar iştirakçılarının iştirakı ilə fikir mübadiləsi aparılıb.
Bölmənin digər xəbərləri
