Milli Məclisin deputatı AŞPA Prezident Komitəsində təkliflərlə çıxış edib
Strasburq, 27 yanvar, AZƏRTAC
Azərbaycanın AŞPA-dakı nümayəndə heyətinin üzvü Qənirə Paşayeva qurumun Azad Demokratlar Qrupunun sədrini əvəz edərək, təşkilatın Prezident Komitəsində iştirak edib.
AZƏRTAC xəbər verir ki, AŞPA prezidenti Mişel Nikolletinin və AŞPA-da təmsil olunan Xristian Demokratlar, Avropa Mühafizəkar, Sosialist, Avropa Liberal və Avropa Sol partiyaları sədrlərinin iştirakı ilə keçirilən müzakirələr qış sessiyasının əsas məqamlarını, təşkilatın, eləcə də aprel ayında keçiriləcək yaz sessiyasının gündəliyi məsələlərini əhatə edib.
Qənirə Paşayeva Azad Demokratlar Qrupu adından çıxış edərək, təşkilatın sədri və qrup rəhbərləri tərəfindən irəli sürülmüş fikir və təkliflər ətrafında müzakirələrdə fəal iştirak edib.
Şəhla Ağalarova
AZƏRTAC-ın xüsusi müxbiri
Strasburq
Bölmənin digər xəbərləri
