MİLLİ MƏDƏNİYYƏTİMİZİN İNKİŞAF KONSEPSİYASI HAZIRLANACAQ
Komissiyanın sədri Nizami Cəfərov demişdir ki, son 10 ildə Azərbaycan mədəniyyətinin inkişafı və qorunması ilə bağlı cəmi 12 qanun qəbul edilmişdir. Azərbaycan isə sürətlə inkişaf edir, dünyaya inteqrasiya olunur. Həmin qanunların isə bəziləri bütövlükdə, bəzilərinin isə bir sıra maddələri müasir tələblərə cavab vermir. Ona görə də komissiya Mədəniyyət Nazirliyi və digər əlaqədar təşkilatlarla birlikdə həmin qanunları yeniləşdirmək, təkmilləşdirmək, eyni zamanda “Teatr haqqında”, “Konsert fəaliyyəti haqqında”, “Şou-biznes fəaliyyəti haqqında” və sair qanun layihələri hazırlamaq niyyətindədir.
Mədəniyyət nazirinin müavini Ədalət Vəliyev və başqaları çıxış edərək, milli mədəniyyətimizin inkişaf konsepsiyasının hazırlanmasının vacibliyini vurğulamışlar. Komissiya bu təklifi razılıqla qarşılamışdır.
Müzakirələrdən sonra müvafiq təşkilatların nümayəndələrinin iştirakı ilə işçi qrupunun yaradılması qərara alınmış və onun fəaliyyət istiqamətləri müəyyənləşdirilmişdir.
Bölmənin digər xəbərləri
