Milli QHT Forumu Avropa ölkələrində tədbirlər keçirəcəkdir
Bakı, 14 yanvar (AZƏRTAC). Milli Qeyri-Hökumət Təşkilatları Forumu Xocalı soyqırımının ildönümü ilə əlaqədar Avropa ölkələrində bir sıra tədbirlər keçirməyi planlaşdırır.
Bu barədə AZƏRTAC-a məlumat verən forumun prezidenti Rauf Zeyni demişdir ki, faciənin ildönümü ilə bağlı elmi-praktiki konfranslar və simpoziumlar keçiriləcəkdir. İştirakçılara ermənilərin Xocalıda törətdikləri vəhşiliklərini əks etdirən kitablar, CD və digər maarifləndirici materiallar paylanacaqdır.
Rəhbərlik etdiyi qurum tərəfindən keçən il Çexiya və Avstriyada da bu cür tədbirlərin keçirildiyini bildirən Milli QHT Forumunun prezidenti qeyd etmişdir ki, məqsəd bütün Avropanı erməni vəhşilikləri barədə məlumatlandırmaqdır.
Bölmənin digər xəbərləri
