MİNİ FUTBOL ÜZRƏ RAYON BİRİNCİLİYİ BAŞA ÇATMIŞDIR
Astara, 17 iyun (AZƏRTAC). Astara şəhərindəki 2 nömrəli orta məktəbin futbol meydançasında mini futbol üzrə rayon birinciliyi başa çatmışdır.
Rayon gənclər və idman idarəsinin Astara şəhər bələdiyyəsi ilə birgə təşkil etdiyi yarışlarda 12 komanda iki yarımqrupda dairəvi sistem üzrə qalib adı uğrunda mübarizə aparmışdır.
Finalda Astara şəhərinin “Kometa” komandası Rüdəkənar kəndinin “Gənclik” komandasına 2:0 hesabı ilə qalib gələrək rayon birinciliyinin qalibi olmuşdur.
Yarışlarda 1-3-cü yerləri tutan komandaların üzvlərinə rayon gənclər və idman idarəsinin diplomları, Astara şəhər bələdiyyəsinin qiymətli hədiyyələri təqdim edilmişdir.
Bölmənin digər xəbərləri
