Minik avtomobillərin hərəkətinə icazə verilən COP29 zolaqlarının yerləşdiyi küçələr açıqlanıb - SİYAHI

15.10.2024 [15:51]
Çap et
A⁺ A^-

Bakı, 15 oktyabr, AZƏRTAC

Paytaxtın bir sıra küçələrində təşkil edilən COP29 zolaqlarından 31 oktyabr tarixinədək minik avtomobilləri də istifadə edə bilər.

Azərbaycan Yerüstü Nəqliyyat Agentliyindən (AYNA) AZƏRTAC-a bildirilib ki, minik avtomobillərin hərəkətinə icazə verilən küçələr aşağıdakılardır:

• Bünyad Sərdarov

• Həsən Seyidbəyli

• Şeyx Şamil

• Mirzəağa Əliyev

• Abdulla Şaiq

• Həsənoğlu

• Mikayıl Üseynov (Bayraq meydanı istiqamətində)

• Xocalı prospekti

• Şah İsmayıl Xətai prospekti

• Zuğulba yolu

• Zığ şosesi

Bu zolaqlarda hələ ki 5.9 – “Marşrut nəqliyyat vasitələri üçün zolaq” yol nişanları quraşdırılmayıb. Zolaqlar 1 noyabr tarixindən qüvvəyə minəcək və bu barədə ictimaiyyətə əvvəlcədən məlumat veriləcək. Bu yanaşma yaxın günlərdə bir sıra küçələrdə təşkil ediləcək xüsusi hərəkət zolaqlarına da aid edilir. Həmin küçələr:

• Gülarə Qədirbəyova

• Niyazi

• İstiqlaliyyət

• Üzeyir Hacıbəyli

• Bakıxanov

• Koroğlu Rəhimov

• Neftçilər prospekti

• Heydər Əliyev prospekti

• Mehdi Hüseyn

• Teymur Elçin

• Parlament prospekti

• Nəriman Nərimanov