MİNSKDƏ MDB DÖVLƏT İNFORMASİYA AGENTLİKLƏRİNİN RƏHBƏRLƏRİ ŞURASININ X İCLASI OLACAQDIR
Noyabrın 23-də və 24-də Belarusun paytaxtında Müstəqil Dövlətlər Birliyinin Dövlət İnformasiya Agentliklərinin Rəhbərləri Şurasının X iclası keçiriləcəkdir. İclasda Azərbaycan, Belarus, Qazaxıstan, Rusiya Federasiyası, Ukrayna, Tacikistan və Ermənistan nümayəndə heyətləri iştirak edəcəklər.
Tədbirdə Azərbaycanı AZƏRTAC-ın Baş direktoru Aslan Aslanovun rəhbərlik etdiyi nümayəndə heyəti təmsil edəcəkdir.
Xəbər agentliklərinin rəhbərləri həmin iclasda Böyük Vətən müharibəsində Qələbənin 65 illiyinə həsr olunmuş tədbirlər keçirilməsi, MDB İcraiyyə Komitəsinin tədbirlərinin işıqlandırılması məsələsində MDB informasiya Şurasının üzvləri olan dövlət informasiya agentlikləri ilə MDB İcraiyyə Komitəsinin Mətbuat Xidmətinin qarşılıqlı əlaqəsi, Dünya Rus Mətbuatı Assosiasiyasının 2010-cu ildə İsraildə keçiriləcək Konqresində MDB üzvü olan ölkələrin dövlət informasiya agentliklərinin iştirakı, MDB üzvü olan ölkələrin Milli İnformasiya Agentlikləri Alyansının (ANİA) informasiya xidmətindən sərbəst istifadə edilməsinin təşkili, MDB üzvü olan dövlətlərin informasiya agentlikləri üçün jurnalist kadrlarının hazırlanması, MDB İnformasiya Şurasının XI iclasının nə vaxt və harada keçirilməsi məsələlərini müzakirə edəcəklər.
Bölmənin digər xəbərləri
