Misirdə COVID-19-a yoluxanların sayı 100 mini keçib
Qahirə, 8 sentyabr, AZƏRTAC
Misir Səhiyyə Nazirliyinin son məlumatında bildirilir ki, bu ölkədə COVID-19-a yoluxanların ümumi sayı 100 mini keçib, 5541 pasiyent isə həyatını itirib.
AZƏRTAC xəbər verir ki, nazirliyin mətbuat katibi Xalid Meqahed yeni növ koronavirus xəstələrinin 79 faizinin sağaldığını bildirib. O qeyd edib ki, fevralın 14-dən başlayaraq ölkədə pandemiya ilə aparılan mübarizə öz müsbət nəticələrini versə də, infeksiyanın yenidən yayılması təhlükəsi qalır. Nazirliyin rəsmisi əlavə edib ki, payız aylarında pandemiya əleyhinə profilaktik tədbirlərə xüsusi diqqət yetiriləcək. Orta və ali məktəblərdə yeni tədris ilində də distant təhsilə üstünlük veriləcək.
Qeyd edək ki, Misir hökuməti ölkənin ümumi daxili məhsulunun əhəmiyyətli hissəsini təşkil edən daxili və beynəlxalq turizmi tam bərpa etmək istəsə də, bu proses xeyli ləng gedir. Belə ki, dünyanın əksər yerlərində pandemiyanın yenidən güclənməsi şəraitində insanlar səyahətə maraq göstərmirlər.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
