Moldova COVID-19-a qarşı vaksini yanvar ayının sonuna qədər alacaq
Kişineu, 12 yanvar, AZƏRTAC
Moldova COVID-19-a qarşı vaksini yanvar ayının sonuna qədər alacaq. Vaksinasiya prosesi fevral ayında başlayacaq.
AZƏRTAC xəbər verir ki, bu barədə Səhiyyə Nazirliyinin nümayəndəsi Tatyana Zatık bildirib.
O vurğulayıb ki, birinci mərhələdə tibb işçiləri - COVID-19 profilli reanimasiya şöbələrinin və intensiv terapiya şöbələrinin həkimləri vaksinasiya olunacaq.
Səhiyyə Nazirliyi nümayəndələrinin sözlərinə görə, ikinci mərhələdə vaksin 60 yaşdan yuxarı insanlara vurulacaq. Eyni zamanda, müəyyən xəstəliklərdən əziyyət çəkən vətəndaşlar vaksinasiya olunacaq.
Üçüncü mərhələ əhalinin ümumi vaksinasiyasını daxil edir.
COVID-19-a qarşı vaksin bütün vətəndaşlar üçün pulsuz olacaq.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
