MOSKVA BAZARINDA PARTLAYIŞ TÖRƏTMİŞ CİNAYƏTKARLAR HƏBS EDİLMİŞLƏR
36 nömrəli şəhər xəstəxanasından bildirmişlər ki, zərərçəkənlərdən biri - əslən azərbaycanlı olan Özbəkistan vətəndaşı, 1966-cı il təvəllüdlü Çərkəz Mahəddin oğlu Fətəliyev burada müalicə olunur. Həkimlər onun vəziyyətini qənaətbəxş sayırlar.
Moskva Səhiyyə Departamentinin mətbuat xidmətindən bildirmişlər ki, şəhər xəstəxanalarında hələ 7 naməlum şəxs var. Hazırda klinikalarda 35 nəfər, o cümlədən bir uşaq müalicə olunur. 6 xəstənin vəziyyəti son dərəcə ağır, 9-nun vəziyyəti isə ağırdır, 18 nəfər orta dərəcədə ağır, iki nəfər isə qənaətbəxş vəziyyətdədir.
Çerkizovo bazarında partlayış faktı üzrə cinayət işi ilə bağlı iki şübhəli şəxs saxlanılmışdır və cinayətin üstü tezliklə açıla bilər. Bunu Moskva prokuroru Yuri Syomin bildirmişdir. Onun sözlərinə görə, saxlanılan şəxslərin bu cinayət işində əli olmasına dair prokurorluqda ciddi dəlillər var. İstintaq cinayətin digər iştirakçılarının da olub-olmadığını müəyyənləşdirir.
Rusiya KİV-ləri hüquq mühafizə orqanlarındakı mənbələrə istinadla bildirirlər ki, cinayət milli zəmində törədilmişdir.
Bölmənin digər xəbərləri
