MOSKVADA SƏUDİYYƏ ƏRƏBİSTANININ MƏDƏNİYYƏT MƏRKƏZİ AÇILACAQ
AZƏRTAC “İslam-İnfo” agentliyinə istinadla xəbər verir ki, Rusiya Federasiyası və Səudiyyə Ərəbistanı Krallığı mədəniyyət və kütləvi kommunikasiyalar sahəsində qarşılıqlı münasibətləri fəallaşdırmaq niyyətindədirlər. Moskvada Səudiyyə Ərəbistanının aparıcı informasiya agentlikləri nümayəndəliklərinin, Əl-Riyadda isə RF agentlikləri nümayəndəliklərinin açılması planlaşdırılır. Rusiya paytaxtında Səudiyyə Ərəbistanının Mədəniyyət Mərkəzinin açılması da nəzərdə tutulmuşdur.
Bunu Krallığın Moskvada rəsmi səfərdə olan mədəniyyət və informasiya nazıri Əyad Mədani Rusiyanın mədəniyyət və kütləvi kommunikasiyalar naziri Aleksandr Sokolovla görüşün yekunlarına dair mətbuat konfransında bildirmişdir.
Bölmənin digər xəbərləri
