MOSKVADA TƏHLÜKƏSİZLİK TƏDBİRLƏRİ GÜCLƏNDİRİLMİŞDİR
AZƏRTAC xəbər verir ki, Moskva Şəhər Baş Daxili İşlər idarəsinin informasiya və ictimai əlaqələr idarəsinin rəisi Kirill Mazurinin bildirdiyinə görə, son hadisələrlə əlaqədar Moskvada gücləndirilmiş təhlükəsizlik tədbirləri görülmüşdür. Onun sözlərinə görə, Moskva milisinin rəisi Vladimir Proninin sərəncamı ilə Şəhər Baş Daxili İşlər İdarəsinin şəxsi heyəti gecə-gündüz xidmət rejiminə keçirilmişdir. Bununla yanaşı, əməliyyat-istintaq qrupları gücləndirilmişdir.
Mazurin demişdir: “Paytaxtda antiterror tədbirləri iki istiqamətdə aparılacaq - icra hakimiyyəti orqanları ilə birgə profilaktik və Federal Təhlükəsizlik Xidməti ilə birgə əməliyyat tədbirləri həyata keçiriləcəkdir”.
Bölmənin digər xəbərləri
