“MOSTBANK-AZƏRBAYCAN“ SAHİBKARLIĞA KÖMƏK MİLLİ FONDUNUN SAYCA 12-Cİ AGENT-BANKI OLDU

18.07.2003 [21:40]
Çap et
A⁺ A^-

İqtisadi İnkişaf Nazirliyinin mətbuat xidmətinin yaydığı məlumatda deyilir ki, Azərbaycan Prezidentinin “Sahibkarlığa Kömək Milli Fondunun vəsaitinin istifadəsi qaydaları haqqında” 2002-ci il 27 avqust tarixli Fərmanına uyğun olaraq, İqtisadi İnkişaf və Maliyyə nazirliklərinin, Milli Bankın nümayəndələri “Mostbank-Azərbaycan”ı sayca on ikinci agent-bank seçmişlər. Üçüncü mərhələdə ərizə vermiş beş bankdan yalnız “Mostbank-Azərbaycan” bu fondun vəsaitlərindən istifadə etməyə icazə almışdır. Bu bankın seçilməsi respublikanın bölgələrində filiallarının olması ilə bağlıdır ki, bu da, şübhəsiz, ölkədə sahibkarlığın inkişafına kömək edəcəkdir.

İqtisadi İnkişaf Nazirliyinin mətbuat xidmətindən AZƏRTAC-ın müxbirinə bildirmişlər ki, üçüncü mərhələdən sonra Milli Fondun vəsaitlərindən sahibkarların təqdim etdikləri biznesplanlarının həyata keçirilməsi üçün aşağıdakı agent-banklar istifadə edə bilər: “Mostbank-Azərbaycan”, “Respublika”, “Texnikabank”, “Muğan”, “İlkbank”, “Parabank”, “Turan”, “Atabank”, “Azərdəmiryolbank”, “Dekabank”, “Əmrahbank” və “Rabitəbank”. Bu bankların Naxçıvanda, Gəncədə, Sumqayıtda, Şəkidə, Lənkəranda, Bərdədə, Yevlaxda, Beyləqanda, İmişlidə, Zaqatalada, Qubada və Dəvəçidə filialları açılmışdır.

“MOSTBANK-AZƏRBAYCAN“ SAHİBKARLIĞA KÖMƏK MİLLİ FONDUNUN SAYCA 12-Cİ AGENT-BANKI OLDU

MÜƏLLİFLƏ ƏLAQƏ

Bölmənin digər xəbərləri