MSK sədri: Namizədlərin hansısa yolla bir-birinə qarşı kampaniya aparması qanunvericiliyə ziddir
Bakı, 31 yanvar, AZƏRTAC
Bir namizədin digər namizədə qarşı hansısa formada kampaniya aparması yolverilməzdir.
AZƏRTAC Secki-2020.az saytına istinadla xəbər verir ki, bunu Mərkəzi Seçki Komissiyasının (MSK) yanvarın 31-də keçirilən iclasında MSK sədri Məzahir Pənahov deyib.
Öz qələbələrini başqa namizədlərin məğlubiyyətləri üzərində quran bəzi namizədləri ədalətli olmağa çağıran Məzahir Pənahov deyib: “Biz bütün namizədlər üçün bərabər şərait yaratmışıq. Lakin bu vəziyyətdən düzgün istifadə etmək lazımdır. Namizədlərin hansısa yolla bir-birinə qarşı kampaniya aparması qanunvericiliyə ziddir və biz buna heç cür imkan verə bilmərik”.
Bölmənin digər xəbərləri
