Müəllimlərin sertifikatlaşdırılması prosesinə dəstək məqsədilə vebinar keçiriləcək
Bakı, 19 fevral, AZƏRTAC
Təhsil İnstitutu tərəfindən təhsilverənlərin sertifikatlaşdırılması prosesinə dəstək məqsədilə fevralın 20-si saat 15:00-da “Texnologiya fənni üzrə sertifikasiyaya hazırlıq: tövsiyələr və test nümunələrinin izahı” mövzusunda vebinar keçiriləcək.
İnstitutdan AZƏRTAC-a bildirilib ki, vebinarda spiker qismində Bakı şəhəri Nəsimi rayonu 240 nömrəli tam orta ümumtəhsil məktəbinin texnologiya müəllimi, “Ən yaxşı müəllim” müsabiqəsinin qalibi, “Qabaqcıl təhsil işçisi” və “Əməkdar müəllim” fəxri adlarının sahibi Gülşən Mirizadə çıxış edəcək.
Qeyd edək ki, vebinar institutun feysbuk səhifəsində canlı yayımlanacaq.
Bölmənin digər xəbərləri
