Myanmanın cənubundakı bazarda 450 mağaza yanıb
Bakı, 3 aprel, AZƏRTAC
Myanmanın Baqo bölgəsinin Kyauktaqa qəsəbəsində bələdiyyə bazarında baş vermiş yanğın nəticəsində 450 mağaza, eləcə də yaxınlıqdakı doqquz ev yanıb.
AZƏRTAC “China.org” saytına istinadla xəbər verir ki, yanğın zamanı insan tələfatı olmayıb. Hadisə şahidlərinin sözlərinə görə alovu söndürmək təxminən altı saat çəkib. Rəsmilər yanğına elektrik naqillərindəki nasazlığının səbəb olduğunu ehtimal edirlər.
Yanğın nəticəsində çoxlu geyim və ərzaq malları yanıb. Dəymiş ziyanın və itkilərin tam həcmi açıqlanmır. Hadisə ilə bağlı araşdırmalara başlanılıb.
Bölmənin digər xəbərləri
