Narkotiklərin qanunsuz dövriyyəsində şübhəli bilinən Bakı şəhər sakinləri saxlanılıblar
Bakı, 22 iyun, AZƏRTAC
Narkotiklərin qanunsuz dövriyyəsində şübhəli bilinən Bakı şəhər sakini E.Cəlilov Baş Narkotiklərlə Mübarizə İdarəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində Nərimanov rayonu ərazisində saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, şəxsi axtarış zamanı ondan 5 qramdan artıq metamfetamin, “Mercedes” markalı avtomobilindən 584 qrama yaxın heroin, 53 qrama yaxın tiryək, 146 qramdan çox metamfetamin, 1 ədəd elektron tərəzi, evindən isə 665 qram heroin və 289 qrama yaxın metamfetamin aşkar edilərək götürülüb.
Narkotik vasitələri E.Cəlilova verməklə satışını təşkil etməkdə şübhəli bilinən Bakı şəhər sakini T.Talışlı da müəyyən edilərək saxlanılıb. Onun idarə etdiyi “Hyundai” markalı avtomobildən metamfetamin, marixuana və narkotik vasitə qəbulu üçün nəzərdə tutulmuş alətlər aşkar edilərək götürülüb.
Faktla bağlı araşdırma aparılır.
Bölmənin digər xəbərləri
