NATO gəmiləri Gürcüstanın ərazi sularında hərbi təlim keçəcək
Tbilisi, 8 aprel, AZƏRTAC
NATO-nun dörd hərbi gəmisi Gürcüstanın ərazi sularına daxil olub.
AZƏRTAC xəbər verir ki, bu barədə Gürcüstanın Daxili İşlər Nazirliyi məlumat yayıb.
Poti limanına daxil olan İtaliyanın ITS VIRGINIO FASAN, Kanadanın HMCS FREDERICTON, Rumıniyanın ROS REGINA MARIA, Bolqarıstanın BGS VERNI gəmiləri Gürcüstanın Sahil Mühafizəsi Xidməti ilə birgə hərbi təlim keçəcək.
Məlumata görə, təlimlərdə Türkiyənin TCG SALIHREIS gəmisi də iştirak edəcək.
Təlimlərin məqsədi Gürcüstanın dəniz qüvvələri və NATO arasında qarşılıqlı əlaqələrin və uyğunluq səviyyəsinin artırılmasıdır.
Bildirilir ki, COVID-19 pandemiyasına görə təlim çərçivəsində görüşlər videokonfrans formatında keçiriləcək.
Birgə təlimlər heyətin iştirakı olmadan gəmilərin manevrlərindən ibarət olacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
