NATO-NUN CƏNUBİ LİVANDA MÜMKÜN ƏMƏLİYYATINA FRANSA VƏ YA TÜRKİYƏ BAŞÇILIQ EDƏ BİLƏR
Qəzet yazır ki, İtaliya, Yunanıstan, habelə NATO-ya daxil olmayan Braziliya bu əməliyyatda iştirak etmək istədiklərini açıqlamışlar.
“İntənəşnl herald tribyun” Avropa diplomatlarından birinin fikrini də xatırladır. O hesab edir ki, Livanın cənub bölgələrində vəziyyəti nəzarət altına almaq üçün 10 minədək hərbi qulluqçu lazımdır.
İsrailin müdafiə naziri Amir Perets, öz növbəsində, NATO kontingentinin cənubi Livana göndərilməsi variantını dəstəkləmişdir. Lakin o bildirmişdir ki, bu ancaq “Hizbullah”ın raket cəbbəxanasının məhv edilməsi üzrə indiki kampaniyada İsrailin qarşısına qoyduğu bütün məqsədlər yerinə yetirildikdən sonra baş verə bilər.
İTAR-TASS müxbirinin Avropanın diplomatik dairələrindən aldığı xəbərə görə, NATO cənubi Livanda belə vəzifəni öz üzərinə götürməyə hazırdır, amma bir şərtlə ki, Livan və İsrail hökumətləri ona bu cür xahişlə rəsmən müraciət etsinlər.
Bölmənin digər xəbərləri
