NAXÇIVAN DÖVLƏT UNİVERSİTETİNDƏ İDMAN KLUBU AÇILMIŞDIR
AZƏRTAC-ın müxbiri xəbər verir ki, klubun açılış mərasimində universitetin rektoru, akademik İsa Həbibbəyli çıxış edərək, Azərbaycan Prezidenti İlham Əliyevin gənc nəslin sağlam böyüməsi üçün idmanın inkişafına göstərdiyi dövlət qayğısından bəhs etmiş, bu istiqamətdə görülən tədbirlər çərçivəsində Naxçıvan Olimpiya İdman Kompleksinin və digər idman qurğularının tikilib istifadəyə verilməsini yüksək qiymətləndirmişdir.
İdman klubunun geniş zalı, güləş və boks sahələri vardır. Bunlar isə tələbə idmançıların müntəzəm və səmərəli məşqlərinə imkan yaradacaqdır.
Açılış mərasimində akrobatların, boksçuların, güləşçilərin və cüdoçuların nümunəvi çıxışları olmuşdur.
Bölmənin digər xəbərləri
