Nazir müavini: Qazaxıstan Azərbaycanın kosmik sahədə əldə etdiyi nailiyyətləri yüksək qiymətləndirir VİDEO
Bakı, 24 aprel, AZƏRTAC
Qazaxıstan Azərbaycan və digər tərəfdaş ölkələrin kosmik sahədə əldə etdiyi nailiyyətləri yüksək qiymətləndirir.
AZƏRTAC xəbər verir ki, bunu Qazaxıstanın rəqəmsal inkişaf, innovasiya və aerokosmik sənaye nazirinin müavini Malik Oljabayov Bakıda keçirilən Kosmik Texnologiyalar Konfransında (STC2025) deyib.
“Bu sahədə bir sıra şirkətlərlə əməkdaşlıq edirik. Bir neçə il əvvəl biz Daşkənddə bir şirkətlə tanış olduq və indi o şirkət Qazaxıstanın əsas tərəfdaşıdır. Həmçinin Ankarada keçirilən son tədbirdə Şərqi Avropadan başqa bir tərəfdaş tapdıq və onlarla da işləyirik. Düşünürəm ki, bugünkü konfrans hamımız üçün yeni dostlar tapmaq, qarşıya yeni hədəflər qoymaq və yeniliklər etmək üçün gözəl fürsətdir”, - deyə Malik Oljabayov bildirib.
Qazaxıstanlı nazir müavini əlavə edib ki, ölkəsində kosmik sektorda ciddi işlər aparılır: “Cari il sentyabrın 8-10-da Almatıda xüsusi kosmik tədbir - Qazaxıstanda Kosmos Günləri keçiriləcək”.
Bölmənin digər xəbərləri
