NƏCƏFDƏ İMAM ƏLİ MƏSCİDİ ƏLƏ KEÇİRİLMİŞ VƏ MİNALANMIŞDIR

16.08.2004 [18:18]
Çap et
A⁺ A^-

AZƏRTAC xəbər verir ki, Si-En-En teleşirkətinin yaydığı məlumata görə, Nəcəfdə fövqəladə vəziyyət yaranmışdır. Təpədən dırnağadək silahlanmış 25 muzdlu yaraqlı Nəcəf şəhərində şiələrin ən müqəddəs ocaqlarından birini - imam Əli məscidini ələ keçirmiş və minalamışdır.

İraqın Daxili İşlər Nazirliyindən bildirmişlər ki, binanı minalamış yaraqlılar koalisiya qüvvələrinin, eləcə də İraq polisinin hücuma keçəcəyi təqdirdə onu partlatmaqla hədələyirlər.

İraq milli qvardiyasının döyüşçülərinə məscidi atəşə tutmağı dayandırmaq və ona yaxınlaşmamaq əmri verilmişdir.

İmam Əli məscidi şiələrin əsas ziyarətgahıdır. Məhəmməd peyğəmbərin əmisi oğlu və kürəkəni dördüncü xəlifə İmam Əli bu məsciddə dəfn edilmişdir.