“Neftçi” kapitanı və qapıçısı ilə yeni müqavilə barədə razılığa gəlib
Bakı, 1 iyun, AZƏRTAC
“Neftçi”də yarımmüdafiəçi Emin Mahmudov və qapıçı Emil Balayevin gələcək taleyinə aydınlıq gəlib.
AZƏRTAC-ın əldə etdiyi məlumata görə, hər iki futbolçu ilə danışıqlar müsbət yekunlaşıb. Oyunçularla müqavilənin müddəti uzadılacaq.
Kapitan Emin Mahmudov 2017-ci ildən “Neftçi”də çıxış edir. “Ağ-qaralar”ın yetirməsi olan Emil Balayev isə 2023-cü ilin yayında kluba qayıdıb. O, daha əvvəl 2011-2014-cü illərdə Bakı klubunun şərəfini qoruyub.
Qeyd edək ki, “Neftçi” yeni mövsümdə Azərbaycanı UEFA Konfrans Liqasında təmsil edəcək.
Müxbir – Cavid Əliyev
Bölmənin digər xəbərləri
