Nepalda iki yol-nəqliyyat hadisəsində 20 nəfər ölüb
Pekin, 15 fevral, AZƏRTAC
Nepalda dağlıq ərazidə hərəkətə edən sərnişin avtobusunun yoldan çıxaraq çaya düşməsi nəticəsində 10 nəfər ölüb, 30 nəfər xəsarət alıb.
AZƏRTAC Nepal mediasına istinadla xəbər verir ki, hadisə fevralın 15-də gecə saatlarında ölkənin Kapilvastu rayonunda, şərq-qərb avtomagistralında baş verib. Paytaxt Katmandu istiqamətində hərəkət edən avtobus yoldan çıxaraq təxminən 200 metr hündürlükdən çaya düşüb. Hadisə yerinə gələn xilasedicilər, polislər və yaxınlıqdakı yaşayış məntəqələrinin sakinləri yaralıları xəstəxanalara çatdırıblar.
Fevralın 14-də axşam saatlarında baş verən digər avtonəqliyyat hadisəsində də 10 nəfər ölüb, 14 nəfər yaralanıb.
Qeyd edək ki, Nepalda yol-nəqliyyat hadisələri zamanı hər il yüzlərlə insan həyatını itirir. Qəzaların əsas səbəbi sürücülərin məsuliyyətsizliyidir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
