NƏRİMAN NƏRİMANOVUN EV-MUZEYİNDƏ TƏDBİR KEÇİRİLMİŞDİR
Muzeyin direktorunun müavini Ramiz Əliyev görkəmli ictimai və dövlət xadimi, yazıçı-publisist N.Nərimanovla bağlı fondun zənginləşdirilməsi ilə əlaqədar görülən işlərdən danışmışdır.
Maarifpərvər Azərbaycan qadınlarının ömür yolunun ardıcıl tədqiqatçısı Sabir Gəncəli yeni araşdırmalarından, Həsən bəy Zərdabinin ömür-gün yoldaşı Hənifə xanımın, Nərimanovun qardaşı qızı, qadın və qızlarımızın maarifləndirilməsində yorulmadan çalışmış Asya Nərimanovanın həyat və fəaliyyətindən ətraflı söz açmış, ədibin əmisi qızları Qumru və Nabat Nərimanovalar barədə məlumat vermişdir.
Professor Minirə Qarayeva, şairə Zeynəb Bəhmənli, filoloq Validə Vəliyeva və başqaları mədəni-mənəvi dəyərlərimizin qorunmasında muzeylərin rolundan danışmışlar.
Bölmənin digər xəbərləri
