Nigerdə məktəbdə baş verən yanğında 20 şagird ölüb
Qahirə, 14 aprel, AZƏRTAC
Nigerin paytaxtı Niameydə məktəb binasında baş vermiş güclü yanğın nəticəsində 20 şagird yanaraq ölüb.
AZƏRTAC xəbər verir ki, yerli mətbuat taxtadan tikilmiş ibtidai məktəbin 21 sinif otağının alova büründüyünü, azyaşlıların çoxunun xilas edildiyini yazıb. Niameyin Pas Bas rayonunun yanğınsöndürənləri alovu söndürməkdə çətinlik çəkiblər. Nigerin Təhsil Nazirliyi məktəbdə 800 şagirdin təhsil aldığını bildirib.
Baş nazir Ohumodu Mahamadu yanğının baş verdiyi məktəbə gələrək həlak olan uşaqların ailələrinə başsağlığı verib.
Qeyd edək ki, BMT İnkişaf Proqramının məlumatına görə, Niger dünyanın 189 ölkə arasında ən yoxsul dövlətdir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
